دافعت هند، ابنة الفنان الراحل سعيد صالح عن النجوم الذين تغيبوا عن جنازة والدها، مبررة ذلك برغبتها في دفن الجثمان سريعا.وكتبت هند سعيد صالح تدوينة عبر صفحتها على موقع فيس بوك قالت فيها: أنا بطلب من كل اللي فكر وقرر أن الفنانين ليس لديهم أصل وعندهم جحود عشان محدش جه جنازة بابا بدل ما يشغل نفسه بده يشغل نفسه بالدعاء ليه.وأضافت: لحظة ما سعيد صالح توفى، قررت سرعة الدفن، لأن إكرام الميت دفنه، ولأن بابا كان موصي يدفن في مسقط رأسه بالمنوفية، ولأن كان عندي سفر ساعتين عشان أوصل للمقابر، وكنت عايزة ألحق نور ربنا، باختصار أولوياتي أدفن أب توفى،مش فنان توفى. وتابعت قائلة: أنا عارفة أن مصر كلها حزينة عليه وده على رأسي، بس ده مش سبب لاتهام حد بالجحود، الفنانين دول أهلي نمرة 2، ومحدش سابني، وعلى ما الناس عرفت كنت أنا سافرت، واهتمامي الأول والأخير كان بسرعة دفنه، وبدل ما كان 1000 واحد هيمشي في جنازته بالقاهرة لقيت محافظة المنوفية كلها في جنازته هناك، واللي هنا واللي هناك عند ربنا واحد في الأجر والثواب، فلو سمحتم ادعوا له بس هو محتاج ده ولا حاجة غير ده، والعزاء الثلاثاء في مسجد عمر مكرم.المصدر/ صدي البلد
0 التعليقات:
إرسال تعليق